Абрад адбываецца кожную вясну.На першы дзень Вялікдня у царкве правіцца "Нешпар" - так называецца вячэрняя служба на Вялікдзень.Пасля "Нешпара" ўсе выходзяць на цэнтральную вуліцу і збіраюцца каля перакрыжавання дарог. Потым ствараюць выгнуты карагод падобны да стралы. У карагодзе ходзяць жанчыны, дзяўчаты і дзеці. У сярэдзіне карагода і з двух яго бакоў ставяць па некалькі чалавек, найчасцей дзяцей, якія ўвасабляюць сабой зярняткі. Затым пачынаюць вадзіць карагод і спяваць абрадавую песню. Пасля таго, як прагучыць асноўная песня, карагод распадаецца, але людзі не разыходзяцца. Яны спяваюць іншыя песні, добра вядомыя жыхарам вёскі.
